Руски генерал загина во војната во Украина, дваесетина дена откако ја доби титулата „Херој на Русија“, објавија руски воени блогери и чеченскиот генерал Апти Алаудинов на Телеграм.
🤯 WOW: New video footage shows the strike that killed Russian Major General Anton Grunis, commander of Russia’s 4th Separate Motorized Rifle Brigade.
The footage was posted by Ukraine’s Unmanned Systems Forces. https://t.co/IdVuH2HZmS
— UNITED24 Media (@United24media) September 16, 2026
Офицерот, генерал-мајор Антон Гринус, командант на 4-тата гардиска моторизирана стрелачка бригада, на почетокот на јули го извести рускиот претседател Владимир Путин дека е заземен источноукраинскиот град Костјантинивка.
„Човек со летонско презиме, но роден во Казан, се бори брилијантно“, рече тогаш Путин.
Според украинските власти и западните воени набљудувачи, градот не е целосно под руска контрола.
На 27 август, генералот ја доби почесната титула „Херој на Русија“.
Иако точните околности за смртта на Гринус не се познати, извори од Москва и Киев укажуваат на силни украински напади врз руските позиции во окупираните области Луганск и Доњецк за време на викендот.
Според официјалните податоци, од почетокот на руската инвазија во февруари 2022 година, загинаа речиси 20 руски генерали.
Според непотврдени извештаи, еден генерал-полковник загина кон крајот на август кога во напад било погодено командно место во Доњецк.