Владата на Лукашенко може да го суспендира договорот со ЕУ

Од:

Владата на претседателот на Белорусија, Александар Лукашенко, денеска соопшти дека би можела да го суспендира договорот со Европската унија за прифаќање бегалци.

Лукашенко поднесе до парламентот предлог-закон за суспендирање на договорот, со кој се обврзува Минск да ги прими мигрантите кои влегле во Европската унија преку Белорусија, но ги прекршиле нивните услови за влез или престој.

– Документот е подготвен како одговор на непријателските дејствија преземени од ЕУ и нејзините земји членки кон Белорусија, се наведува во соопштението на прес-службата на Лукашенко.

Земјите на Унијата го обвинија белорускиот претседател дека охрабрил стотици мигранти илегално да преминат во ЕУ преку Полска и Литванија како одмазда за санкциите на Западот воведени против Минск.

Белорусија ги обвини за таквата ситуација земјите од ЕУ, кои ги оставиле мигрантите на границата и ја принудија Полска да воведе вонредна состојба во два региона, првпат по падот на комунизмот.

Договорот за бегалци, потпишан на почетокот на минатата година пред изборите, беше предуслов за Белорусија да добие поедноставен визен режим за ЕУ.

Би можело да ве интересира

Анже Логар пред ЕП: Патот на земјите од Западен Балкан кон ЕУ нема да биде автопат, туку мал пат со многу кривини

А1он

Во Брисел почнува дводневен самит на ЕУ – главни теми се Полска и цените на енергијата

А1он

Редовен октомвриски самит на лидерите од ЕУ

Ана Ололовска

Димитров: Подобро да сме изненадени од добра вест, бидејќи имаме доволно искуство од разочарувања

А1он

Џачка: Албанија заслужува и треба да седне на преговарачка маса со ЕУ оваа година

А1он

Борел: Кандидатите за членство во ЕУ ​​да работат на реформи во клучните области

А1он