Криминалците кои префрлаат илегални имигранти во западна Европа стануваат се поактивни, предупредија денеска австриските власти.
Полицијата во австриската покраина Горна Австрија неодамна пресретнала камион со 27 имигранти, државјани на Иран и Авганистан, меѓу кои имало дури 16 деца.
Организатирот на шверцот, кој е украински државјанин, при контролата се обидел да да побегне, но е уапсен. Тој ги презел имигрантите од Унгарија и ги возел преку Австрија кон Германија.
Овој, како што истакнува австриската полиција, е само еден од случаите во низата на се позачестени активности на шверцерите на мигранти.
– Сојузната криминалистичка служба воочува зголемена активност на криминалците, истакна претставникот на службата Гералд Тацгерн, додавајќи дека шверцерите се претежно од Србија и Украина и најчесто ја користат рутата преку Унгарија кон Австрија.