На прес-конференција во Брисел во четвртокот, украинскиот претседател Володимир Зеленски ја осуди „поканата за дуел“ испратена до Киев од рускиот претседател Владимир Путин.
"I think he's crazy…really, I think he also thinks that he's crazy."
Ukrainian President Volodymyr Zelensky had this message for Russia's Vladimir Putin after meeting with EU leaders👇 pic.twitter.com/VLsygbEQq3
— DW Europe (@dw_europe) December 19, 2024
Рускиот лидер, на својата голема годишна конференција, која како и секоја година траеше неколку часа, рече дека против Киев ќе ја употреби новата балистичка ракета со среден дострел (ИРБМ) „Орешник“ за тестирање на западните системи за противвоздушна одбрана во, како што рече Путин „технолошки дуел“ со Западот.
Путин тогаш предложи лансирање на „Орешник“ на локации во Киев, истовремено предизвикувајќи го Западот да ја распореди својата противвоздушна одбрана за да го пресретне, тврдејќи дека ракетата е непобедлива.
Реагирајќи на тие изјави, украинскиот претседател рече:
„Лицето што седеше во Кремљ предложи технолошки дуел. Тој рече: „Ќе го таргетираме, да речеме, Киев, и нека се бранат со системи за противвоздушна одбрана“. Дали мислите дека разумен човек може да го каже тоа? Тој е луд и мислам дека го знае тоа“, изјави украинскиот претседател.
Подоцна, Зеленски објави и видео со предлогот на Путин за „дуел“ на социјалната мрежа Х, нарекувајќи го „глупав“.
„Луѓето умираат, а тој мисли дека тоа е интересно. Глупости“, напиша Зеленски.
Коментарите на Путин уследија по неговите претходни закани дека ќе ги користи ракетите Орешник за напад на „центрите за одлучување“ во Киев.