ВИДЕО: Во пожар во Шпанија изгоре област со големина од 4.000 фудбалски игралишта

Од:

Првиот голем пожар во Шпанија годинава опустоши повеќе од 3.000 хектари на истокот на земјата и принуди евакуација на речиси 1.500 луѓе, објави денеска државната телевизија RTVE.

Пожарот ја зафатил граничната област меѓу Арагон и Валенсија. Вчера и денеска се евакуирани луѓе, јавува телевизијата, која се повикува на официјални извештаи.

Повеќе од 10 населби во провинциите Кастелон во Валенсија и Теруел во Арагон беа погодени. Во некои области немаше струја, а неколку патишта беа затворени.

Површината на шумата што изгоре одговара на површина од повеќе од 4.000 фудбалски игралишта. Гаснењето на пожарот го отежнуваат силниот ветер, ниската влажност и релативно високите температури за овој период од годината од над 20 степени Целзиусови.

Во гаснењето учествуваат 20 хеликоптери и канадери. Минатата година, Шпанија ја имаше најлошата сезона на пожари од почетокот на рекордите.

Европската програма Коперник објави дека се случиле 493 шумски пожари. Уништени се повеќе од 3.000 квадратни километри.

Би можело да ве интересира

Заврзаа човек и му се заканија дека ќе му ја силуваат ќерката: Полицијата се сомнева дека е бандата е од Србија

Горан Наумовски

Банда од Балканот „падна“ во Шпанија: Украдоа накит вреден милион евра, а ограбија и познат фудбалски тренер

(ВИДЕО) По сушата, силен дожд падна на југот на Шпанија, поплавени улици, затворени училишта

ВИДЕО: Се урна борбен авион Ф-18 во Шпанија

Катерина Павлова-Николовска

Експлозија во Шпанија: Најмалку две лица загинаа

Шпанскиот премиер: Во војна има агресор и жртва, а во Украина агресор е Путин

Ана Ололовска