Владата на Малезија прогласи вонредна состојба во две области на југот од државата, поради смог предизвикан од шумските пожари во Индонезија, каде што загаденоста на воздухот го достигна максимумот за изминатите 16 години, пренесе „Франс прес“.
Министерот за заштита на животната средина на Малезија, Датук Сери Паланивел соопшти дека индексот на загаденост на воздухот во градот Маур денес достигна 750 и дека во уште два града е регистрирано ризично ниво.
Според неговите зборови владата воведе вонредна состојба во Муари Леданг, а опасен индекс на загадување е регистриран и во главниот град Куала Лумпур каде што видловоста е намалена на еден километар.
Стотици училишта од четврток се затворени во Муар каде што живеат околу 250.000 жители.
Елена Георгиевска