Вчера на неколку канали Телеграм се појави видео од Евгениј Пригожин, попознат како „готвачот на Путин“, кој ја води озлогласената руска приватна воена компанија „Вагнер“. На видеото се гледа како Пригожин им се обраќа на затворениците на руски и им нуди да се пријават за учество во војната во Украина. „Пријавете се, борете се во Украина и ако преживеете шест месеци, ќе одите на слобода“.
Обраќањето на Пригожин до затворениците беше преведено од руски на англиски од новинарот на The Wall Street Journal, Јарослав Трофимов.
For the first time, a video emerges of a recruitment talk for Wagner by Prigozhin in a Russian prison camp. Absolutely bonkers. “Nobody goes back behind bars. If you serve six months, you are free. If you arrive in Ukraine and decide it’s not for you, we execute you.” pic.twitter.com/9rlAbhKaQW
— Yaroslav Trofimov (@yarotrof) September 14, 2022
„За прв пат се појавија снимки од Пригожин како регрутира за Вагнер во руски затвор. Сосема лудо. „Никој не се враќа зад решетки. Ако одлежиш шест месеци, тогаш си слободен. Ако дојдеш во Украина и одлучиш дека не е за тебе, ние самите ќе те погубиме“, напиша Трофимов на Твитер, преведувајќи ги зборовите на Пригожин.
Објавеното видео очигледно ги потврдува претходните извештаи на The Wall Street Journal дека Пригожин, олигарх и близок соработник на рускиот претседател Владимир Путин, регрутира затвореници за да учествуваат во војната во источниот регион Донбас во редовите на Вагнер.