Ихор Терехов, градоначалник на Харков, град во североисточна Украина, за украинските медиуми потврди дека синоќа биле извршени неколку руски напади со беспилотни летала „Шахед“.
– Во градот се слушнале серија експлозии. Кон градот летаaт „шахеди“. Внимавајте, објави Терехов на својот канал Телеграм, пренесува агенцијата Укринформ.
Информацијата за рускиот напад на Харков ја потврди и шефот на Регионалната државна управа, Олег Синегубов, наведувајќи дека нема повредени и дека надлежните служби работат на отстранување на последиците од нападот.
Како што пренесува Укринформ, руски беспилотни летала нападнале деловни објекти во Харков.
