Група револтирани украински граѓани, со цел да се одмаздат на поранешниот претседател Виктор Јанукович, фрлија еден член од неговата партија во контејнер, пренесуваат медиумите.
Партијата на регионот, чиј што лидер беше Јанукович, соопшти дека нема да учествува на претстојните избори кои ќе се одржат на 26-ти октомври, но сепак еден нивен пратеник заврши во контејнер за смет.
Граѓани го фатиле пратеникот и го фрлиле право во ѓубре, каде што го држеле некое време и не му дозволиле да излезе.
Се претпоставува дека до инцидентот дошло поради лидерот на неговата партија, Јанукович, кој што е протеран од Украина по повеќемесечните протести и немири во Киев.
Интересно е што на местото каде што се случил инцидентот, се наоѓале и претставници на полициските сили, кои реагирале дури по некое време.
Е. Г.