Украинските сили во последните денови ослободија околу 20 квадратни километри територија од руските сили околу источен Бахмут, изјави украинската заменик-министерка за одбрана Хана Маљар. Таа на Телеграм напиша дека руските сили „направиле одреден“ напредок во градот Бахмут и дека тешките борби продолжуваат.
„Непријателот малку по малку напредува во самиот Бахмут, целосно уништувајќи го градот со артилерија. Покрај тоа, непријателот носи професионални падобранци. Тешките борби продолжуваат со мешани резултати. Во сегашната ситуација, нашите војници даваат се од себе, па дури и повеќе од тоа“, рече таа.
Clashes in #Bakhmut continue. pic.twitter.com/iyVLQ0fEi9
— NEXTA (@nexta_tv) May 17, 2023
„Фактот што одбраната на Бахмут трае толку месеци и има напредок во одредени области ја покажува силата на нашите борци и високиот степен на професионалност на командата на одбраната. Ќе потсетам дека непријателот има предност во бројот на луѓе и оружје. Во исто време, благодарение на акциите на нашата армија, тој од минатото лето не може да ги реализира своите планови во правец на Бахмут“, додава тој.