Американската телевизиска станица Фокс 5 во Сан Диего по грешка ја објави фотографијата на претседателот на САД, Барак Обама додека водителката читаше вест за потрага по силувач на една студентка.
Додека водителката го најавуваше прилогот за тоа дека обвинителството не собрало доволно докази да го стави дваесетгодишниот Франциско Суз во затвор, затоа што принудил една студентка на секс, режијата наместо од Суз објави фотографија од Обама.
Интересно е што никој од телевизијата не им се извини на гледачите, ниту на Обама, а надлежните велат дека гафот е ненамерен и беззначаен.
-Немаме обичај да се извинуваме во живо во програма кога се во прашање такви ситни работи-изјави за „Тајмс“ Мајк Вили, еден од уредниците.
Е. Г.