ВИДЕО: Со ракување и насмевки почна самитот меѓу Трамп и Ким

Од:

Вториот самит на лидерите на Северна Кореја и САД, Ким Џонг-ун и Доналд Трамп почна денеска во Ханој со ракување и насмевки.

Двајцата лидери се ракуваа пред знамињата на своите земји во хотелот „Метропол“ во престолнината на Виетнам.

epa

-Се радуваме на состанокот, двете страни, изјави Трамп.

На прашањето дали тој можеби формално ќе стави крај на Корејската војна, Трамп рече: „Ќе видиме што ќе се случи, но сакаме да направиме нешто големо“.

Се очекува, состанокот „еден на еден“ да трае 20 минути, а потоа ќе следи вечера на која ќе бидат присутни и други членови на двете делегации.

Ова е втор самит на Трамп и Ким. Првиот се одржа во Сингапур во јуни минатата година.

epa

Белата куќа претходно соопшти дека на вечерата ќе присуствуваат и државниот секретар на САД Мајк Помпео и шефот на кабинетот на Трамп, Мик Малвени, како и двајца помошници на Ким, но и преведувачи.

Трамп и Ким ќе остварат средба и утре.

epa0

Виетнамските власти ветија исклучително високи безбедносни мерки, додека Вашингтон и Пјонгјанг уште пред неколку дена испратија припадници на своите безбедносни сили.

Севернокорејскиот лидер е сместен во хотелот „Мелиа Ханој“, а Трамп во „ЈВ Мериот“.

Би можело да ве интересира

Кремљ: Путин и Трамп веќе нема да разговараат по телефон

Кина го возвраќа ударот, воведува царина од 34 отсто на американски стоки

ВИДЕО: Потоп на берзите поради тарифите на Трамп, збришани 2.400 милијарди долари

Најмалку седум лица се повредени денеска во напад со нож во Вашингтон

Мелони: Новите американски царини за ЕУ ​​се грешка

Макрон: Царините на Трамп за Европа се брутални, нашиот одговор ќе биде посилен од претходно