Францускиот претседател Емануел Макрон остро ги критикуваше најновите царини воведени од американскиот претседател Доналд Трамп за Европската Унија.
Трамп најави царина од 20 отсто за европските производи, кои Макрон ги опиша како „брутални и неосновани“.
Тој посочи дека поради овие мерки американските потрошувачи ќе станат посиромашни и послаби, а азиските земји би можеле да го зголемат извозот во Европа.
Макрон повика на заеднички одговор од европските земји за успешно укинување на американските царини, нагласувајќи дека европскиот одговор ќе биде „организиран“, „обединет“ и „посилен од порано“.
