ВИДЕО: Снимка од внатрешноста на нуклеарката во Запорожје, руски возила во близина на реакторот

Од:

На социјалните мрежи се појави ново видео на кое се гледаат руски воени возила во турбинската просторија на нуклеарната централа Запорожје. Собата со турбините е поврзана со нуклеарниот реактор.

dobivaj vesti na viber

Си-Ен-Ен објави дека ја лоцираше и ја потврди автентичноста на снимката што се појави на интернет вчера. Се уште не е познато кога е снимено видеото.

Видеото покажува една од шесте соби со турбини сместени на западната страна на нуклеарната централа. Секоја сала е поврзана со нуклеарен реактор и се наоѓа во истиот објект каде што се наоѓа реакторот.

Возилата наликуваат на стандардни руски воени камиони. Тие се наоѓаа на западниот раб на зградата на приземјето, на околу 130 метри од реакторот. На видеото се гледаат најмалку пет камиони, а на еден од нив е провоениот симбол „Z“.

Москва вчера објави дека во објектот има само воен персонал. Руското Министерство за одбрана тврди дека сателитски снимки „покажуваат дека тешко оружје не е поставено во областа на електраната“.

Украина и Русија меѓусебно се обвинуваат за напади врз нуклеарната централа.

Киев тврди дека руските сили складираат тешко оружје во комплексот и ја користат нуклеарната централа како еден вид заштита при напад, знаејќи дека Украина не може да возврати без ризик да погоди еден од реакторите. Москва, пак, вели дека украинските војници ја гаѓаат нуклеарната централа.

Претседателот на украинската државна нуклеарна агенција Енергоатом, Петро Котин, во понеделникот изјави дека Русија има „14 единици тешка воена опрема“ во едниот дел од централата, а шест возила во другиот.

Нуклеарната централа Запорожје, најголемата во Европа, е под контрола на Русија од март.

Нападите на комплексот предизвикаа загриженост за можноста од нуклеарна катастрофа, што ги натера ОН да побараат инспекциска посета на објектот.

Нуклеарните експерти сметаат дека опасноста од нуклеарна катастрофа не е толку голема како што се прикажува во некои медиуми. Тие се претпазливи во однос на споредбите со катастрофата во Чернобил во 1986 година.

Според Енергоатом, по гранатирањето на електраната во изминатите неколку недели, оштетен е магацинот во кој се складира потрошеното нуклеарно гориво и детекторите за следење на радијацијата.

На 5 август поради неколку експлозии во близина на електраната, напојувањето беше прекинато, а еден реактор беше исклучен од електричната мрежа. Рафаел Маријано Гроси, шеф на Меѓународната агенција за атомска енергија (МААЕ), минатата недела пред Советот за безбедност на ОН изјави дека ситуацијата е влошена „до тој степен што е многу алармантна“.

Би можело да ве интересира

Втор ден референдуми на четири украински територии

(ВИДЕО) Грабар-Китаровиќ: Путин би избрал да умре, но нема да признае пораз

Катерина Павлова-Николовска

Путин не блефира за нуклеарното оружје вели Борел

Катерина Павлова-Николовска

Една жртва и седуммина ранети во рускиот напад на Запорожје

Катерина Павлова-Николовска

Србија нема да гласа за исклучување на Русија од Советот за безбедност

(ВИДЕО) Зеленски: Присилно регрутираните да ја саботираат руската армија и да и даваат информации на Украина

Катерина Павлова-Николовска