(ВИДЕО) „Смрт за Арапите“: Израелски екстремни десничари маршираа низ Источен Ерусалим

Од:

Повеќе од илјада Израелци-радикални националисти, под будното око на силни полициски сили, вечерва маршираа на парада во Источен Ерусалим на повик на крајната десница, што е прв тест за новата израелска Влада по заканите од палестинското движење Хамас, што го буди стравот од нова ескалација.

Демонстрантите, вклучувајќи и млади и еврејски ултранационалистички и екстремно десничарски активисти, маршираа од православната населба во Западен Ерусалим кон Источен Ерусалим, до плоштадот пред Портата Дамаск, од каде има поглед на муслиманскиот кварт во Стариот град, каде што е Плато џамијата, пренесоа светските медуми.

„Вечниот народ не се плаши од долгиот пат“, пееја демонстрантите, носејќи сини и бели знамиња на местото важно за Палестинците во Источен Ерусалим, палестински сектор во градот што Израел го окупира во 1967 година. Од толпата се слушаа повиците „Смрт за Арапите“.

Непосредно пред контроверзната „Парада на знамето“, полицијата ги затвори главните улици што водат кон Стариот град и го блокираше пристапот на Палестинците до плоштадот пред портата Дамаск, поради што дојде до судир во кој беа повредени десетина палестински демонстранти, соопштија спасувачките служби.

Пратениците на израелските Арапи кои дојдоа на плоштадот овој израелски марш го нарекоа „провокација“.

-Единственото легитимно знаме тука кај Баб ал Амауд (Портата Дамаск) и во Источен Ерусалим е палестинското. Израелското знаме тука е симбол на окупација, рече пратеникот Ахмед Тиби.

Стравувајќи дека митингот ќе излезе од контрола, претставникот на ОН за Блискиот Исток, Тор Венесленд, ги повика „сите страни да се воздржат од провокации што можат да доведат до нов циклус на конфликти“.

Би можело да ве интересира

Израел повторно бомбардираше палестински позиции во Појасот Газа

Ана Ололовска

Од Израел полета првиот директен комерцијален лет за Мароко

Ана Ололовска

Израелската армија го гранатираше јужниот дел на Либан како одговор на истрелувањето две либански ракети

Ана Ололовска

Од Либан утринава лансирани две ракети врз Израел, нема загинати и штети

Ана Ололовска

Израел изврши воздушен напад врз Сирија

Ана Ололовска

Израел ќе преземе мерки доколку НСО групата е одговорна за следење на новинари

Ана Ололовска