Најмалку двајца загинати и осум исчезнати е црниот биланс по уривање на мостот Жуселино Кубичек де Оливеира, долг 533 метри, кој ги поврзува државите Токантинс и Марањао во Бразил.
Мостот е отворен во 1960 година, а структурата на мостот е дел од важен сообраќаен коридор, бидејќи го поврзува Белем со Бразилија, патот Трансамазон, како и железницата Норте-Сул.
“Националната агенција за транспортна инфраструктура предупредува на целосна блокада на мостот на реката Токантинс. Централниот дел на мостот долг 533 метри се урна попладнево”, изјави министерот за транспорт Ренан Фиљо.