Затворени се и последните две привремени болници во Вухан, епицентарот на епидемијата на коронавирус, во кинеската провинција Хубеј, што значи дека Кина ги затвори сите 16 привремени болници за заболени од коронавирус во овој град. Срцепарателни фотографии од тоа како се радуваат и гушкаат лекарите и пациентите споделуваат сите странски агенции.
Во јавноста кружи и видео лекарите кои стојат на скали и додека камерата ги снима, еден по еден тие ги симнуваат своите заштитни маски за лице. На лицата имаат широки насмевки, а некои и мавтаат кон камерата. Ова видео го обиколи светот и собра бројни позитивни коментари.
Winners: Chinese doctors celebrate closure of the last temporary hospital in Wuhan – the coronavirus is defeated and they can remove the masks
Not so bright for the rest of the world though pic.twitter.com/7LVs5iQUpu— Best of Aliexpress and China (@coolstuffcheap) March 11, 2020
Последниот пациент кој се избори со коронавирусот денеска ја напушти привремената болница направена во спортска сала.
„Закрепнавме благодарение на внимателната грижа на персоналот. Сакам да ги повикам медицинските работници да дојдат во Вухан повторно како наши драги гости, без маски и заштитни одела, да се облечат во тоа во што се чувствуваат убаво“, рекол излекуван пациент Вен Чангпинг.
На една од фотографиите се гледа и како изгледа една од привремените болници без пациенти.
Кинеските власти претходно преуредија јавни објекти како што се изложбени центри и спортски сали во 16 привремени болници. Тие служеа како изолација и за лекување на пациенти заболени од коронавирус.
Сега, докторите се радуваат бидејќи успешно ја завршиле својата мисија.
Во овие центри лекарска помош добија околу 12.000 луѓе.