Тројца бомбаши-самоубијци се разнесоа денеска пред полициска станица во градот Новоселское во Ставропољскиот Крај во југозападниот дел на Русија, соопшти претставник на локалните безбедносни структури.
Руските медиуми јавија дека при нападот загинале четворица терористи. Тројца загинале при извршувањето на нападите, додека четвртиот бил ликвидиран од страна на полицијата.
Нападот бил извршен околу 10.40 часот по локално време (7.40 по Гринич).
Како што јави ТАСС, меѓу жртвите нема цивили и припадници на силите на редот.
Според непотврдени информации, пред полициската станица се случиле пет експлозии.
Засега нема повеќе детали за нападот, а истрагата за целиот случај е во тек.