Долгорочниот мир и заштитата на правата на населениетео кое зборува руски во Украина мора да бидат клучниот резултат на специјалната воена операција на Русија, изјави рускиот претседател Владимир Путин во интервју за новинарот на ВГТРК, Павел Зарубин.
Путин нагласи дека Русија има доволно сили да ја заврши „специјалната воена операција“ и да ги постигне поставените цели.
‼️🇷🇺🇺🇦 #Russian President Vladimir #Putin told VGTRK journalist Pavel Zarubin that the objective of the special military operation is to secure a lasting peace and ensure the protection of Russian-speaking residents in Ukraine.
Putin stated that Russia has sufficient resources… pic.twitter.com/1f38WLhFHj
— Maimunka News (@MaimunkaNews) May 18, 2025
„Целите се однесуваат на отстранување на основната причина за оваа криза, создавање услови за долготраен и одржлив мир и обезбедување безбедност за Русија“, рече Путин.
Путин додаде дека тоа важи и за луѓето кои живеат на тие територии, на кои рускиот јазик им е мајчин јазик, а Русија ја сметаат за своја татковина.
Путин постојано ја нагласува потребата да се земат предвид руските интереси кога се решаваат основните причини за кризата. Според него, ова е единствениот начин да се воспостави долгорочен мир.
На 16 мај во Истанбул, Турција, се одржаа преговори меѓу Русија и Украина. По средбата, Москва и Киев се договорија за размена на воени заробеници по формулата „1.000 за 1.000“, да ги претстават своите предлози за потенцијален иден прекин на огнот, да ги разработат детално и да продолжат со преговарачкиот процес.
Советникот на рускиот претседател Владимир Медински, кој ја предводеше руската делегација во Истанбул, изјави дека руската страна е задоволна од исходот на преговорите.