ВИДЕО: Путин организира самит на БРИКС, му доаѓаат Ердоган, Си Џипинг и Моди

Од:

Речиси три години откако руската инвазија на Украина беше осудена од земјите ширум светот, рускиот претседател Владимир Путин организира самит со повеќе од десетина светски лидери. Тоа е јасен сигнал од рускиот претседател дека не само што не е изолиран, туку зад него стои моќна коалиција на земји, пишува CNN.

Тридневниот самит на БРИКС, кој почнува денеска во југозападниот руски град Казан, е првиот состанок на групата големи економии во развој: Бразил, Русија, Индија, Кина и Јужна Африка. Бидејќи коалицијата беше проширена претходно оваа година, ќе има и претставници на Египет, Обединетите Арапски Емирати, Етиопија и Иран.
.
Меѓу лидерите се очекуваат Си Џинпинг од Кина и Нарендра Моди од Индија, претседателите Масуд Пезешкијан од Иран и Сирил Рамафоса од Јужна Африка, како и оние надвор од „клубот“, како што е турскиот претседател Реџеп Таип Ердоган. Се очекуваше да му се придружи и бразилскиот претседател Луис Инасио Лула да Силва, но го откажа патувањето откако се повреди дома.

Овонеделниот собир на БРИКС и другите земји ќе биде убедливо најголемиот меѓународен собир организиран од Путин откако тој ја започна војната во февруари 2022 година и сигнализира растечка конвергенција на нациите кои се надеваат дека ќе видат промена во глобалната рамнотежа на силите и – во случајот на некои, како Москва, Пекинг и Техеран – директно да се спротивстават на Западот предводен од Соединетите држави.

Би можело да ве интересира

ВИДЕО: Трамп го нервираат и Зеленски и Путин, од Москва итно очекува одговор за крај на војната

Британија предупредува на амбициите на Путин на Западен Балкан: „Тоа е нова жешка точка“

Кремљ: Путин ќе одлучи дали ќе ја нападне украинската енергетска инфраструктура

Песков: Очекувањата за средбата Путин-Трамп се големи, но работите се покомпликувани

Песков: Можен е нов разговор меѓу Путин и Трамп

А1он

Таткото на Илон Маск: Би било глупаво да не му се восхитуваме на Путин

А1он