Црвен спортски автомобил „тесла“ од чии звучници ечи легендарната „Space Oddity“ од Дејвид Боуви, со кукла во вселенско одело од вчера орбитира околу Земјата.
Автомобилот е поставен на орбита која во елписа се протега од Сонцето до Марс.
Тоа е првпат во историјата на човештвото, автомобил да се најде во вселената, што воедно е неверојатна реклама за моделите „тесла“, кои важат за возила на иднината.
– Автомобилот ќе се оддалечи од Земјата на околу 400 милиони километри и ќе лета со брзина од 11 километри во секунда, изјави Маск на брифинг за новинари.
View from SpaceX Launch Control. Apparently, there is a car in orbit around Earth. pic.twitter.com/QljN2VnL1O
— Elon Musk (@elonmusk) February 6, 2018
Тој додаде дека според оценките, возилото ќе се наоѓа на таа орбита неколку милиони години или можеби и повеќе од една милијарда години. На автомобилот на Маск се инсталирани три камери кои ќе праќаат, како што кажа тој, „епски“ снимки.
Автомобилот се најде таму откако вчера компанијата „Спеј икс“ го направи историското лансирање на супер-тешката и супер-моќна ракета „Falcon Heavy“. Лансирањето беше успешно, а во живо го следеа милиони луѓе низ светот.