Илјадници луѓе се собраа во центарот на Брисел на протест против засилените антивирусни мерки што владата ги воведе со цел да го потисне најновиот скок на бројот на заразени со коронавирус.
Многумина од нив протестираа и против советите да се вакцинираат и против какви било чекори кон воведување задолжителни вакцини против Ковид.
Демонстрантите стоеја зад огромен транспарент на кој пишуваше „Заедно за слобода“. Имаше чадни бомби и петарди, но немаше насилство во рпочетниот дел од маршот, кој треба да заврши пред седиштето на Европската унија.
Breaking: Riots are ongoing in Brussels, Belgium, during anti-lockdown demonstrations. pic.twitter.com/iTapfL93Rc
— PM Breaking News (@PMBreakingNews) November 21, 2021
Дел од демонстрантите почнаа да ја провоцираат полицијата и да фрлаат секакви предмети кон кордонот специјалци, по што тие возвратија со солзавец и водени топови.
Нередите во центарот на Брисел сеуште траат , а помали групи кршат и палат се` пред себе.
Засега нема информации за уапсени демонстранти или за повредени во судирите.
Во последните неколку дена во многу европски земји се организираат протести бидејќи една по друга влада воведува построги мерки поврзани со Ковид.