Иранските трговци протестираа втор ден денес против рекордната девалвација на локалната валута во однос на американскиот долар.
Стотици трговци се собраа во центарот на Техеран и во близина на Големата чаршија откако ги затворија своите продавници и ги повикаа другите да ги затворат своите.
Protests have erupted in Tehran over the deteriorating economic situation. The demonstrations have also spread to the cities of Mashhad and Karaj. pic.twitter.com/3MAd4g3ATO
— Open Source Intel (@Osint613) December 29, 2025
Полицијата не интервенираше во митинзите, кои вчера беа ограничени на два големи пазари во Техеран, каде што демонстрантите скандираа антивладини пароли.
Локалната валута денес се тргуваше за околу 1,38 милиони ирански ријали за американски долар.
Брзата девалвација ги зголеми цените на храната и другите основни производи, а статистичкиот центар на земјата објави стапка на инфлација од 42,2 проценти во декември.
Цените на храната се зголемија за 72 проценти, а цените на лековите за 50 проценти за една година, што критичарите велат дека го води Иран во хиперинфлација.