(ВИДЕО) Поплави го погодија југоисточниот дел на САД, загинаа најмалку девет лица

Од:

Најмалку девет лица ги загубија животите во текот на викендот откако обилните дождови предизвикаа поплави во југоисточниот дел на САД, потопувајќи патишта и домови и оставија стотици илјади луѓе без струја.

Гувернерот на Кентаки, Енди Бешеар, потврди дека осум лица загинале во неговата држава, предупредувајќи дека бројот на жртвите може да се зголеми. Меѓу загинатите има мајка и нејзиното седумгодишно дете и 73-годишен маж.

„Жителите мора веднаш да се држат подалеку од поплавените патишта и да ја осигурат сопствената безбедност“, рече Бешеар на прес-конференција во неделата.

Уште една жртва била пријавена во Џорџија откако маж бил убиен во кревет од дрво кое паднало врз неговата куќа.

Кентаки, Џорџија, Алабама, Мисисипи, Тенеси, Вирџинија, Западна Вирџинија и Северна Каролина беа под некаков вид предупредување за невреме овој викенд, при што многу од тие држави веќе претрпеа сериозни штети од ураганот Хелен во септември.

Во неделата вечерта повеќе од 500.000 домаќинства останаа без струја, покажуваат податоците на порталот poweroutage.us.

Гувернерот Бешеар на платформата X објави дека повеќе од 300 патишта низ Кентаки биле затворени поради поплави. Тој потврди и дека испратил официјално барање до Белата куќа за прогласување на катастрофа и итна финансиска помош за погодените области.

Претседателот Доналд Трамп во неделата одобри декларација за катастрофа, дозволувајќи и на Федералната агенција за управување со вонредни состојби (ФЕМА) да ги координира напорите за помош, и покрај претходните предлози за нејзино отповикување.

Би можело да ве интересира

Трамп: Нема да се кандидирам за трет мандат

(ВИДЕО) Трамп: Како претседател мора да го почитувам Уставот на САД и тоа што ќе одлучи Врховниот суд

Горан Наумовски

Поранешен шеф на ЦИА: САД ѝ дадоа на Украина доволно оружје за да „крвави“, но не и да победи

Мали: Вучиќ ја напушти ВМА, тој нема да се предаде

Горан Наумовски

Економска офанзива на Белата куќа, Трамп вложува милијарди, бара пониски каматни стапки

Администрацијата на Трамп го укина безвизниот режим за Романија

Горан Наумовски