Шпанската престолнина денеска е комплетно прекриена со снежна покривка која достигнува до половина метар, а врнежите, за кој жителите на Мадрид можат да ѝ се „заблагодарат“ на бурата „Филомена“, се најсилните во 24 часа од 1971 година наваму.
Снимките од хеликоптер на Итната медицинска помош од Мадрид покажуваат ретка слика во главниот град на Шпанија, кој повеќе наликува на некоја престолнина од северот на европскиот континент.
Најмалку четворица луѓе загинаа во снежната бура, која го парализираше воздушниот и патниот сообраќај во делови од Шпанија.