Полските демонстранти вечерва во Варшава ги гаѓаа полицајците со снежни топки, на што им беше возвратено со солзавец.
Takie sceny teraz na rondzie Dmowskiego. pic.twitter.com/xnt485Oxkj
— Dawid Krawczyk (@DJKrawczyk) January 20, 2021
Организаторите на протестот соопштија дека четворица демонстранти се уапсени.
Полицијата предупредуваше дека протестите се нелегални бидејќи не се пријавени и на сила се мерки на претпазливост поради коронавирусот.
Демонстрантите скандираа „имаме право да протестираме“, „ова е војна“, „соблечи ја униформата, извини ѝ се на мајка ти“, а имаше и ЛГБТИ знамиња.
Marta Lempart 20 I 2021 ok 18.30 w Warszawie pic.twitter.com/TJsbLsxkah
— Jarek Witkowski ????⛺?♀️?????☮? (@JarekWitkowski7) January 20, 2021
Организацијата „Општополски женски штрајк“ започна со уличните протести од 22 октомври минатата година, откако Уставниот суд го забрани абортусот, кој претходно беше дозволен во случаи кога плодот е тешко деформиран или болен.
Рестриктивниот закон кој сега дозволува прекин на бременоста само доколку е загрозен животот на мајката или бременоста е плод на силување или инцест, ги принудува жените во Полска да раѓаат бебиња кои е извесно дека ќе починат брзо по породувањето.
Протестите против тој Закон се претворија во демонстрации против Владата на конзервативната партија „Право и правда“.