Видео кое беше споделено на социјалните мрежи покажува одрон на дрвја поради невремето кое вчера ја зафати Словенија.
Како што може да се види на видеото, дрвјата прво паднаа на патот лоциран во населбата Грашки гори во Словењ Градец, на северот од Словенија. Корени се „лизнаа“ од ридот покрај патот.
Сето ова го снимил случаен минувач кој навреме застанал пред инцидентот и ја снимил оваа неверојатна сцена. Обилните дождови во Словенија во петокот предизвикаа опасни поплави во кои загинаа најмалку три лица.
Податоците на Агенцијата за животна средина (АРСО) покажуваат дека во делови од северна, северозападна и централна Словенија паднале над 100 милиметри дожд во рок од 24 часа, што е просечната месечна количина на врнежи.