Израелскиот премиер Бенјамин Нетанјаху прогласи вонредна состојба поради пожарите што избувнаа во близина на Ерусалим, предупредувајќи дека тие би можеле да го достигнат градот, објавија израелските медиуми.
Jerusalem Forest.🔥🔥🔥
💔Pray for Israel. 🙏🙏🙏
#Israel LeBron ! Line of Control #Retro #HIT3 #Suriya #RetroFDFS #IndiaPakistanTensions #IndiaPakistan pic.twitter.com/eEOYPdy537
— Ayesha (@KashmiriAyesha1) May 1, 2025
Тој во видео изјава нагласи дека приоритет во моментов е одбраната на Ерусалим, додавајќи дека илјадници луѓе се евакуирани.
Како што објави „Тајмс оф Израел“, прославите за Денот на независноста низ целата земја се откажани. Претставник на противпожарната служба изјави дека ова би можеле да бидат најголемите шумски пожари во поновата историја на Израел.
Возачите беа принудени да ги напуштат своите возила откако пожар го зафати Автопатот 1.
Полицијата го затвори главниот автопат помеѓу Ерусалим и Тел Авив и ги замоли граѓаните да не доаѓаат во таа област.
Помош за гаснење на пожарите пристигнува од странство, а Франција ќе испрати специјален авион за гаснење пожари, соопшти канцеларијата на израелскиот министер за надворешни работи Гидеон Сар.
Шпанскиот министер за надворешни работи, Хозе Мануел Алварез, го информираше Сар дека Мадрид ќе испрати и два авиона за гаснење на пожарите.
Романија, Хрватска и Италија, исто така, ветија помош во форма на испраќање авиони.
Најмалку 12 лица, меѓу кои и две бебиња, се полесно повредени и хоспитализирани откако избувнаа пожари во ридовите во близина на Ерусалим, соопштија службите за итни случаи. Додадено е дека повеќето пациенти се хоспитализирани поради ефектите од вдишување чад, а на уште 10 лица им е потребна медицинска помош на местото на настанот.
Израелската противпожарна и спасувачка служба соопшти дека имало најмалку пет пожари во Ерусалимските ридови и дека неколку заедници биле евакуирани, додека еден пат бил затворен.