Осум акробатки и една танчерка се потешко повредни, откако се урнала металната платформа на која што изведувале циркуска претстава во американскиот град Провиденс, пренесе „Асошиејтед прес“.
Претставникот на циркусот, Стивен Пејн потврди дека повредените жени паднале од висина од 12 метри. Локалните власти соопштија дека работат на расветлување на причината за несреќата.
Пејн исто така изјави дека несреќата се случила во момент кога акробатките виселе од платформата, користејќи ја исклучиво својата коса.
Четиринаесетгодишната Сиднеј Брег, која што била во публиката и ја следела програмата изјавила дека се се случило многу бргу, поради што дури и таа помислила дека тоа е дел од претставата.
-Слушнавме силен тресок, а потоа и акробатките како врескаат- вели девојчето.
Е. Г.