Ниту на 1 мај, претседателот Емануел Макрон не беше поштеден од протестите на синдикатите ширум земјата.
„Овој 1 мај ќе биде пресвртница“, рече Софи Бине, лидер на левичарскиот синдикат Се-Же-Те, надевајќи се дека повеќе од милион луѓе се собраа на плоштадите.
⚡️Police violently attack protesters in France pic.twitter.com/4vymw9wwiW
— War Monitor (@WarMonitors) May 1, 2023
Таа посочи дека ќе послужи да се каже дека работниците нема да продолжат понатаму додека не се повлече пензиската реформа.
Одлуката да се зголеми старосната граница за пензионирање за две години, од 62 на 64 години, го чинеше Макрон неговата популарност, која падна на најниско ниво од протестите на Жолтите елеци.
Беа забележани и жестоки судири меѓу полицијата и демонстрантите во Париз. На булеварот Волтер, во близина на метрото Шарон, како и на плоштадот Леон Блум беше многу тензично.
Излозите на продавниците се искршени, а целта обично е она што најрадикалните го сметаат за симболи на либералниот капитализам, како што се излозите на банките, осигурителните компании или рестораните за брза храна.
Немирите ги водат „црните блокови“, чии членови дојдоа од странство. Демонстрантите запалија барикади и фрлаа камења и огномети кон полицијата. Полицаец е повреден од фрлен „молотов коктел“ во Париз и на помош му дошле колегите.