Најмалку 31 лице загина во напад на руската балистичка ракета врз градот Суми во североисточна Украина, што се случи утринава. Меѓу загинатите има и две деца. Најмалку 84 лица се повредени, меѓу кои десет деца.
Како што потврдија украинските власти, во нападот бил погоден тролејбус, а нападот бил извршен со балистичка ракета „Искандер-М“.
На бруталниот напад реагираше и украинскиот претседател Володимир Зеленски. „Без притисок врз агресорот, мирот не е можен. Разговорите никогаш не ги запреа балистичките ракети и воздушните бомби. Русија треба да биде третирана онака како што заслужуваат терористите“, рече Зеленски.
