Момче од американскиот град Чикаго беше обвинет за убиство на двајца тинејџери, откако го прашале колку е висок, соопштија локалните власти во американскиот град.
Лирој Бател (19) пукал со пиштол кон 17-годишниот Џесен Францис и 16-годишниот Чарлс Рајли, кои се враќале дома од локалната продавница за слатки.
Тие претходно имале кратка средба со осомничениот.
Заменик-началникот на полициската станица во Чикаго соопшти дека тинејџерите го прашале осомничениот за неговата висина, бидејќи најверојатно и тие сакале да бидат толку високи кога ќе бидат на негови години.
Францис бил застрелан во грбот, градите и левата рака, додека неговиот другар Рајли во пределот на грбот и левата нога. Лекарите од Здравствениот центар во Чикаго констатирале смрт веднаш по нивното донесување.
Во Чикаго само изминатата недела биле убиени 13 лица во улични престрелки.