Во авион на компанијата Рајaнер кој требало да полета од Англија за Италија, патниците биле сведоци на вознемирувачка сцена во моментот кога пожарникари наеднаш влегле во авионот за да изнесат патник кој влегол во авионот, иако додека бил на аеродромот, добил СМС-порака дека е позитивен на коронавирусот.
На видеото се гледа тензичната ситуација кога вработените од противпожарната служба на аеродромот Станстед близу Лондон, облечени во скафандери, влегуваат и бараат од патникот да го напушти авионот, додека другите патници вознемирено гледаат што ќе се случи.
Officials in hazmat suits were forced to remove a man from a Ryanair flight after he received a text message to say he had tested positive for #coronavirus.
Read more on this story here: https://t.co/TIUxGuilty pic.twitter.com/xnZT4abN8C
— SkyNews (@SkyNews) August 27, 2020
Патникот и негов придружник биле изнесени од авионот пред самото полетување. Двајцата биле во авионот заедно со другите патници помалку од десет минути, но нивното присуство го одложило полетувањето на авионот за Пиза за час и половина, бидејќи морало да се дезинфицира внатрешниот простор, пренесуваат локалните медиуми.
Од авиокомпанијата Рајанер соопштија дека ризикот од заразување со вирусот е минимален, бидејќи членовите на екипажот, како и другите патници, носеле маски пред и за време на качувањето во авионот. Тие појаснија дека патникот заразен со вирусот бил претходно информиран преку СМС-порака за резултатот на тестот, но дека сепак одлучил да влезе во кабината.