Градоначалникот на Гдањск, Павел Адамович вечерва бил избоден со нож и е тешко повреден на градскиот плоштад за време на добротворна манифестација.
https://youtu.be/Jf_1oTMGTfE
Непознат маж вечерва упаднал на сцената на прославата на најголемата добротворна манифестација во Полска, и со нож го нападнал и тешко го повредил Адамович, кој е еден од најистакнитете опозициски политичари во Полска.
Обезбедувањето усеапло да го совлада мажот, а полицијата го уапсила, додека му се давала итна помош на Адамович.
Тој со убодни рани во стомакот е пренесен во болница.
Нападот следува во моменти кога низ Полска 120 илјади воонтери на улиците собираат помош за опрема за детски болници, акција која веќе 27 години ја организира рокерот Јежи Овсјак. Нападот веднаш го осудија и премиерот Матеуш Моравјецки и министерот за внатрешни работи Јоахим Бруѓињски.
– Нападот на Павел Адамович заслужува најостра осуда, тој ни е во мислите и молитвите, порача премиерот Моравјецки на Твитер.
– Сите се молиме за градоначалникот Адамович. Павел, со тебе сме, напиша на Твитер и поранешниот партиски шеф на Адамович, експремиерот на Полска, а сега претседател на Европскиот совет, Доналд Туск.