Градоначалникот на Чернихив, Владислав Атрошенко објави видео од автомобил кој минува низ градот и на кое се гледаат целосно уништени куќи, додека од некои од нив се уште излегува густ чад.
Тој вели дека градските гробишта се полни и немаат каде да одат со мртвите.
„Градските гробишта немаат веќе простор, па ги чуваме мртвите во мртовечници и ладилници подолго од вообичаеното. Ги закопуваме луѓето на стари гробишта кои не се користеле извесно време“, рече Атрошенко во видеото додека се вози низ градот.
Mayor of Chernihiv Vladislav Atroshenko showed what the invaders did to the city.
"We are in a war zone. It is extremely dangerous here" pic.twitter.com/sOVRKURO0w
— Станислав (@Pride00001) March 23, 2022
На прашањето на лицето кое го снима видеото колку лица загинале досега, градоначалникот рече дека градот не води статистика, но дека сите случаи ќе ги решава обвинителството.
„Во моментов сме во воена зона. Многу е опасно да се биде овде“, рече тој.
Чернихив со недели е под силен напад на руските сили.