(ВИДЕО) Големи поплави во Норвешка – парализиран e сообраќајoт, илјадници луѓе се евакуирани

Од:

Норвешка евакуираше илјадници луѓе бидејќи реките се искачија на највисоко ниво во последните 50 години, а голем број домови и деловни објекти се потопени или однесени од водите. Главните патишта се затворени, а железничките услуги се прекинати во големи делови на јужна Норвешка, бидејќи реките се излеаа од нивните корита.

Властите предупредија на дополнителни поплави кои би можеле да следат во наредните денови бидејќи водата се движи кон ниските крајбрежни региони.

Округот Инландет, е една од најтешко погодените области во Норвешка. Луѓето се изолирани од поплавите и службите за итни случаи можеби нема да можат веднаш да стигнат до сите на кои им е потребна.

„Ние сме во вонредна состојба од национални размери“, рече градоначалникот на Инландет, Ауд Хов.

Владата одлучи да мобилизира повеќе хеликоптери за да учествуваат во евакуацијата, изјавија за ТВ2 од Министерството за правда и јавна безбедност.

Норвешките власти соопштија дека досега нема пријавени смртни случаи. Силен ветер, силен дожд и лизгање на земјиштето ги погодија Финска и Шведска во последните денови.

Би можело да ве интересира

Голема поплава во Русија, илјадници евакуирани

Норвешка го зголеми бројот на регрути: Мора да имаме доволно луѓе, ќе ни требаат се повеќе и повеќе

Спасени се сите патници од хеликоптерот кој падна во океанот во близина на Норвешка

Горан Наумовски

Исчезна хеликоптер во Норвешка, започната е спасувачка акција по преживеаните

ВИДЕО: Норвешки крузер со илјадници патници блокиран кај Маурициус поради страв од колера

Поплави во долината Неретва