Хуманитарната катастрофа во Газа добива се позагрижувачки размери. Хуманитарните организации и Обединетите нации секојдневно предупредуваат дека Израел ја блокира хуманитарната помош за северниот дел на Газа и дека жителите на енклавата, особено раселените се соочуваат со огромен недостиг на храна.
Во снимка објавена од британскиот „Гардијан“ се гледаат огромни турканици меѓу луѓето кои се обидуваат да дојдат до леб. На видеото луѓето сведочат дека за леб чекаат по шест часа. Дополнително, раселените во Газа се соочуваат со недостиг на чиста вода, лекови и медицинска помош со оглед дека најголемиот дел од болниците беа разурнати во ираелските напади.