Поранешниот израелски министер за одбрана Јоав Галант ги повика властите во земјата да дадат приоритет на враќањето на заложниците пред уништувањето на палестинската милитантна група Хамас.
– Времето истекува. Прво вратете ги заложниците, а потоа сменете ја владата на Хамас. Ако го направиме спротивното, нема да има кому да се вратиме, рече Ганц за време на настан во Академскиот колеџ Нетања, објави „Тајмс оф Израел“.
Тој изјави дека не е сигурен дека националната потреба за враќање на заложниците „ќе ги надмине политичките причини“.
Минатата недела Израел продолжи со воената операција во Газа, прекршувајќи го договорот за прекин на огнот со Хамас.
Според палестинското Министерство за здравство, во обновениот напад загинале 855 лица.