Германските лекари кои се грижат за здравјето на рускиот опозиционер Алексеј Навални, веруваат дека постои голема веројатност тој да е отруен, изјави денеска германската канцеларка Ангела Меркел.
Во исто време, министерот за надворешни работи, Хајко Маас, беше поумерен и пред новинарите соопшти дека на Берлин му се потребни повеќе информации за случајот, пред да може да донесе дефинитивен заклучок дали Навални е отруен или не.
Wife of #AlexeyNavalny leaves #Charite hospital in #Berlin#Germany pic.twitter.com/9750zlR0Pq
— Ruptly (@Ruptly) August 24, 2020
На прес-конференцијата, германскиот шеф на дипломатијата истакна дека се уште недостигаат многу докази – медицински, а веројатно и форензички.
„Јас сум личност што донесува судови засновани врз факти. Многу факти недостасуваат во случајот со Навални – како медицински така и форензички. Мора да ги почекаме”, рече Маас.
Од болницата соопштија дека Навални во моментов е на интензивна нега и сè уште е во индуцирана кома, но германските лекари нагласуваат дека тој не е во животна опасност.
„Неговата состојба е сериозна, но тој во моментот не е во опасност”, соопшти берлинската болница.