Експлозија се случи денеска во фоајето на луксузниот станбен комплекс „Алие Паруса“ во северозападна Москва, јави државната новинска агенција ТАСС, повикувајќи се на итните служби.
Руските медиуми јавуваат дека најмалку едно лице загинало, а четворица се повредени. Се известува дека меѓу повредените се и телохранителите на човекот кој загина во експлозијата.
🧵🚨 BREAKING: Unnamed VIP assassinated with an explosive device as he entered the elite "Scarlet Sails" condo in Moscow. The target was accompanied by bodyguards. pic.twitter.com/R8OKY0Rk6l
— Igor Sushko (@igorsushko) February 3, 2025
Експлозијата била предизвикана од неидентификувана експлозивна направа, а руските агенции за спроведување на законот се сомневаат дека станува збор за планиран атентат, пренесе ТАСС, повикувајќи се на властите.
Интерфакс објави дека најверојатно експлодирала граната.
На социјалните мрежи се појавија тврдења дека Армен Саркисјан, кој е етикетиран како соработник на руските власти во украинскиот регион Доњецк, е убиен.
Explosion in Moscow residential complex
One person dead and four injured in the lobby of "Alye Parusa" residential complex in Moscow.
Authorities have launched a criminal investigation, but the cause remains unknown. Investigators and forensic experts are working alongside… pic.twitter.com/EoxRbtBDSO
— NEXTA (@nexta_tv) February 3, 2025
Според украинските разузнавачки служби, тој регрутирал затвореници од териториите на таа област, кои се под контрола на Москва, за руската армија.
Се известува дека Службата за безбедност на Украина (СБУ) трагала по Саргсјан.
Саркисјан беше и претседател на Боксерската федерација на самопрогласената Народна Република Доњецк (ДПР), познат и како Армен Горловски, пренесува Интерфакс, повикувајќи се на прелиминарни податоци од агенциите за спроведување на законот.