Најмалку едно лице загина, а десетмина беа повредени во руски ракетен напад врз украинскиот главен град Киев, меѓу кои и студенти во студентски дом, соопштија украинските власти.
Во нападот доцна синоќа беа погодени образовна установа, станбени објекти, метро-станица и медицински установи, објави Ројтерс.
Градоначалникот на Киев, Виталиј Кличко, на Телеграм објави дека едно лице загинало во близина на супермаркет. Украинската Државна служба за вонредни ситуации соопшти дека телото било пронајдено покрај тешко оштетена станбена зграда.
Кличко соопшти дека во нападот биле повредени десет лица, од кои повеќето се наоѓале пред студентскиот дом на Државниот универзитет за трговија и економија, на источниот брег на реката Днепар.
Деветмина повредени биле пренесени во болница, а тројца се во тешка состојба.
Russian ballistic missiles struck the grounds of a university in Kyiv and the area around it – effectively the campus, Kyoto Park, the area near a metro station, and residential buildings. The exact number of casualties is not yet known. But tragically, there are victims. There are people injured. Rescue operations are underway. There is extensive damage, and there are also reports that people may be trapped under the rubble. All emergency services are at the scene and doing their work – saving lives. The missiles hit very crowded areas, and there is not a single military facility nearby. This was a strike directly on the city, on its infrastructure. Unfortunately, there may be more strikes coming. The attack with “shaheds” is also continuing – against Kyiv and our other cities and communities.
And it is precisely under such circumstances, when the threat is constant, when strikes can come at any moment and target cities and villages directly, that artificial delays in providing air defense to Ukraine help terror. It is important that political agreements be implemented promptly at the team level. It is important that our partners understand that Ukraine needs the proper tools to destroy Russian ballistic missile launchers. This would be the most effective way to save lives. It is important that the world sees that Russia is showing nothing but a desire to kill and continue waging war. Ukraine must not be left to face this alone, and it is solely Russia’s fault that the war is still going on and people are still dying. Please take care of yourselves. All partners should stand with Ukraine – with the protection of lives.
— Volodymyr Zelenskyy / Володимир Зеленський (@ZelenskyyUa) October 26, 2026
Украинскиот претседател Володимир Зеленски на Телеграм соопшти дека сè уште нема точни податоци за бројот на загинатите и повредените.
„Засега не се знае точниот број на луѓе. Но, за жал, има загинати и повредени. Спасувачките операции се во тек“, напиша Зеленски.
Тој повторно повика да се отстранат доцнењата во испораката на противвоздушно оружје, за Украина што побрзо да може да одговори на руските воздушни напади.
„Токму во вакви услови, кога заканата е постојана, кога нападите можат да се случат во секој момент и да погодат градови и села, вештачкото одложување на испораката на противвоздушната одбрана за Украина му помага на теророт“, порача Зеленски.
Претходно во текот на денот, Зеленски изјави дека Украина чека одобрение од американскиот министер за одбрана Пит Хегсет за испорака на клучни ракети.
„Речиси еден месец чекаме господинот Хегсет да ја одобри испораката на ракети за системите ‘Патриот’ и НАСАМС. Му наложив на нашиот тим повторно да го покрене ова прашање со американската страна“, напиша украинскиот претседател на платформата Икс.
Неофицијални канали на Телеграм објавија фотографии од оштетувањата на метро-станицата и трамвај. Кличко соопшти дека од експлозиите биле искршени прозорците на две медицински установи.
Тој додаде дека биле повредени и двајца припадници на итната медицинска помош кои се упатиле кон едно од местата на нападите.
Сведоци на Ројтерс изјавија дека серија експлозии го потресле градот. Според нивните сведоштва, во делови од Киев на источниот брег на реката Днепар снемало електрична енергија.
Москва негира дека намерно гаѓа цивили.