Едно лице загина во руски ракетен напад врз Киев, соопшти градската воена администрација.
Градоначалникот на Киев, Виталиј Кличко, информираше дека во Дарницкиот реон биле погодени магацински објекти, по што избувнал пожар. Остатоци од ракета паднале и во дворот на станбен комплекс во Днепровскиот реон.
Scenes from Kyiv last night, during the Russian missile attack on the city.
Approximately 6 Iskander-M ballistic missiles and 2 Zircon hypersonic cruise missiles were used in total, striking a warehouse facility in the eastern suburbs. Large fires broke out after the attack. https://t.co/UA1zNmVlCc
— AMK Mapping 🇳🇿 (@AMK_Mapping_) October 30, 2026
Кличко ги повика жителите да се засолнат и да ги следат упатствата на надлежните служби.
Руското Министерство за одбрана утринава соопшти дека руските сили извршиле напади врз украински воени објекти и енергетска инфраструктура во Киевската и Днепропетровската област.
Според руското министерство, цел на нападите биле и пристанишни објекти и пловни објекти во Одеската област, за кои Москва тврди дека ги користат украинските вооружени сили.
Во соопштението се наведува дека нападите биле изведени со прецизно оружје и беспилотни летала. Руската страна тврди дека биле погодени и украински претпријатија за производство и складирање беспилотни летала со голем и среден дострел.
Овие наводи се соопштени од руското Министерство за одбрана, но засега нема независна потврда за обемот на штетата и погодените цели.