Едно лице загина во авион од Лондон за Сингапур поради силни турбуленции, а повеќе од 30 лица се повредени, јавува Би-би-си.
Авионот „Боинг 777-300ЕР“ кој летал за Сингапур беше пренасочен кон Бангкок и слетал во 15:45 часот по локално време. Авионот превезувал вкупно 211 патници и 18 членови на екипажот, се наведува во соопштението на авиокомпанијата.
At least one person is killed and dozens injured during severe turbulence on a Boeing plane on a Singapore Airlines flight from London#Singapore #thailand #London #SingaporeAirlines pic.twitter.com/BGaOr88H0J
— 𝐂𝐡𝐞 𝐆𝐮𝐞𝐯𝐚𝐫𝐚 ☭ (@cheguwera) May 21, 2024
Сингапур ерлајнс соопшти дека летот SQ321, кој летал од Лондон Хитроу до Сингапур, наишол на сериозни турбуленции.
„Можеме да потврдиме дека има повредени и еден мртов во Боингот 777-300ER. Во авионот имало вкупно 211 патници и 18 членови на екипажот. Сингапур ерлајнс изразува длабоко сочувство до семејството на починатиот“, соопшти компанијата.
Тие додадоа дека „соработуваат со локалните власти во Тајланд за да им ја пружат потребната медицинска помош на повредените“ и испраќаат тим во Бангкок за да обезбеди дополнителна помош.