Циклонот „Фреди“ ги погоди Малави и Мозамбик, а најмалку 200 луѓе загинаа во поплави и лизгање на земјиштето.
Владата на Малави објави дека „Фреди“ ги одзел животите на најмалку 190 луѓе, додека 584 се повредени, а 37 лица се водат за исчезнати, додека Мозамбик објави дека 20 лица загинале, а 24 се повредени поради циклонот, пренесува Гардијан.
Спасувачите предупредија дека бројот на загинати најверојатно ќе се зголеми.
Foods in Blantyre, Malawi as a result of Cyclone Freddy. pic.twitter.com/MU1NY5S06q
— Ken.03⭐️⭐️⭐️🇺🇸 (@Ken_thatsme) March 15, 2023
Циклонот „Фреди“ ги погоди животите на речиси 59.000 луѓе во Малави, а 19.000 луѓе се раселени. Засолниште нашле во училиштата и црквите.
„Фреди“ неофицијално го собори рекордот на Светската метеоролошка организација (СМО) и стана најдолготрајниот циклон во историјата.
Досега рекордот го држеше циклонот Џон, снимен во 1994 година, кој траеше 31 ден.