Американскиот претседател Џо Бајден беше фотографиран како ужива на сонцето на плажа во Делавер за време на викендот.
Ен-Би-Си Њуз пренесува дека Бајден патува за Европа, каде што неговата прва станица на петдневното патување ќе биде Лондон вечерва.
Шефот на Белата куќа утре таму ќе се сретне со британскиот крал Чарлс Трети, првпат по крунисувањето на новиот монарх на Обединетото Кралство.
Потоа, во вторник и среда, Бајден ќе присуствува на самитот на НАТО во главниот град на Литванија, Вилнус, за кој Ројтерс пренесува дека Алијансата се претворила во тврдина пред доаѓањето на лидерот на Северноатлантскиот договор.
Joe Biden enjoying a relaxing day at the beach. pic.twitter.com/6QKAH0lIVX
— Catch Up (@CatchUpFeed) July 9, 2023
Последната станица на европската турнеја на Бајден во четврток ќе биде Хелсинки, главниот град на Финска, најновата членка на НАТО.
Пред сето ова, Бајден реши малку да се опушти и беше виден како пристигнува во бела поло маица и шорцеви со сопругата Џил на плажата во близина на викендицата што ја поседува.
„Њујорк пост“ пишува дека Бајден таму читал книга, додека неговата сопруга уживала во погледот на морето.