Научници вработени во американската морнарица открија неколку детали за најновиот прототип на робот на кој што работат и за кој што велат дека еден ден ќе може да помогне во спречување на катастрофи, кои се случуваат на отворено море.
Автономниот робот на оган или САФФИР е развиен во Вирџинија, по двегодишна работа на експерти за роботика.
Роботот има две нозе, а е висок два метри. Тој може да се движи и во малите кабини, кои што вообичаено се наоѓаат на бродовите и подморниците.
За сега со САФФИР се управува преку конзола која ја контролира човек, но крајната цел е еден ден вештачката интелигенција да биде таа која што ќе управува со него.
Е. Г.