Шефот на германската дипломатија Гвидо Вестервеле денеска ја отфрли можноста Германија да учествува во евентуалниот воен удар на Сирија.
Вестервеле за весникот „Ноје Оснабрикер Цајтунг“ рече дека воена акција од Германија не е побарана, ниту земјата таква можност разгледува.
– Се залагаме Советот за безбедност на ОН да изнајде заедничка позиција и инспекторите на ОН што побрзо да ги состават извешатиет, рече Вестервеле.
Германската канцеларка Ангела Меркел и рускиот претседател Владимир Путин вчера се согласија дека е неопходно СБ на ОН прво да го проучи извештајот на експертите на ОН за хемискиот напад во Дамаск.