Американскиот потпретседател Џ.Д. Венс изјави дека „топката сега е во дворот на Иран“ по застојот во мировните преговори посредувани од Пакистан и ги отфрли извештаите дека разговорите во Исламабад не успеале, велејќи дека е постигнат „голем напредок“.
Во интервју за „Фокс њуз“, Венс рече дека Иран има одлучувачка улога во понатамошниот развој на ситуацијата во конфликтот на Блискиот Исток.
„Ме прашувате што ќе се случи следно, а јас мислам дека Иранците ќе одлучат што ќе се случи следно“, рече Венс во емисијата „Специјален извештај“.
Венс истакна дека САД сè уште имаат предност, иако следниот потег зависи од Иран.
