Британската Влада вети 720 милиони британски фунти (1,13 милијарда долари) за фондот на ОН со кој ќе им се помага на сиромашните држави да се справат со климатските промени.
Со тоа, сумата ветени средства досега од 13 држави за „зелениот“ фонд е околу 9 милијарди долари.
Најмногу ветија САД – 3 милијарди долари и Јапонија со 1,5 милијарди долари. Германија и Франција ќе одделат по една милијарда долари.
Се уште не се објавени сумите на Италија, Канада и Австралија.
Во Берлин денеска заседаваат претставници од државите донатори. ОН има за цел да собере во фондот оваа година 10 милијарди долари.