Администрацијата на американскиот претседател Џо Бајден верува дека Иран ќе го нападне Израел во наредните денови како одмазда за убиството на лидерот на Хамас Исмаил Ханије во Техеран претходно оваа недела и дека нападот ќе биде посилен од оној во април, наведуваат медиумите во Израел, повикувајќи се на високи американски претставници.
Вашингтон е подготвен да му помогне на Израел да го запре потенцијалниот напад од Иран и групите што ги поддржува во регионот, вклучувајќи ги Хезболах во Либан и палестинскиот Хамас, пишува порталот Вала.
Официјални лица велат дека одговорот најверојатно ќе биде поголем од оној ноќта меѓу 13 и 14 април, бидејќи најверојатно ќе се вклучи и Хезболах.